Rapthlak zetin Norway tipi in Inn 8 a Dolh
2020 kum hi cu Kum zabi 21 sungih tlaksiatbik kum a si ding tiih kan aihram rero lai ah Norway ram cu leitawlh tlaksiatnak in a run nen bet.
June 3, Alta Municipality, Northern Norway ah leitawlhnak a suak ih inn tamnawn cu tipi sungah a tawlh lut thluh.
Tipi in inn pawl a dawlh lai cu rapthlak zetin Video zuk ngah bet a siih thilṭih nei deuh hrang ah tla cu a rapthlak hleice cuang.
Inn khat hnu inn khat tipi sungih a lutral lai cu Jan Egil Bakkeby timi hmin thawn Twitter hmangtu mipakhat in online ah a thlah ih nazi reilo te ah zohtu million luan an kim cih.
Just now in Alta, Norway: Huge mudslide dragging several houses into the sea. pic.twitter.com/xR4t5zLI7m
— Jan Fredrik Drabløs (@JanFredrikD) June 3, 2020
Vanṭhat thlak takin lei a tawlh veten khawsung ṭuanvo neitu pawl in an cangvai man loh li ih khawngaw, hliamhma tuar zohman an um lo tiin Forbes in a ngan.
