Ralring : Covid 19 Vaccine Sii Lem 3000 luan le atuah/zuartu Minung 80 luan an kai

China : Ramsung lawng silo, ramleng lam tiang Covid 19 Vaccine Sii Lem zuartu misual 80 luan cu China palik in an kai.

Misual hotu siding an zummi Kong timi in kan dung 2020 kum lam in Ci haang thawn tuahmi Covid 19 vaccine Sii lem a tuah thup ti rinhlehnak a um ruangah zingzoinak reizet an nei hnu ah an kai ngah mi a si ih Covid 19 vaccine Sii Lem 3000 luan an kai cih tiah Xinhua News Agency in a tarlang.

China Foreign ministry ṭuanvonei Wang Wenbin in “Sii Lem an kuat nak ram pawl khal ralring dingin thuthannak kan nei zo” a tiih ram hmin pawl cu a relsuak duh lo.

China cozahpi cun atui` vaccine Lem thu ruangah rampi vaccine safety regulation a thleng phah thluh ih hivek tuahtu hremnak a pek ṭheumi Duun le Daan khal a rem phah thluh a si.

“China cozahpi hin a himmi vaccine suah thei ding hi a ngai poimawh zetmi a si. Curuangah Vaccine thawn pehparmi hmuahhmuah cu a lem zuartu siseh, a lem tuahtu siseh nazetin hremnak a pe vivotum a si”.

“Vaccine thawn pehparmi Daan le Duun khal a rem sal ih rampi thawn a pehtlai awmi ramdang cozah thawn khal hivek thilṭhalo dotlang hmalaknak a nei vivo tum a si” ti`n Wang Wenbin cun a sim hrih.

China ram ah hin Vaccine lem hmuh ding a tam ṭheu ih kum 2016 khalah million lenglo Vaccine sia/lem suahtu mipahnih an rak kai dah zo a si.

Leave a Reply

Your email address will not be published. Required fields are marked *