Ralrin Ṭul : Facebook thehlarnak ihsin Bum tuar an tam thlang

Covid – 19 ruangih hnaṭuan neilo harsatnak ruangah Kum 25 mi, Bengaluru , India ih um Aishwarya cu bum tuar in paisa Rs 3.1 lakh a sung ral.

Private Bank ih hnaṭuan a si nan Covid 19 ruangah hna nei lo in a um. Facebook ih thehlarnak pakhat ah Kaileng (kidney) hlutu kan mamawh. A hlu theitu cu Rs 1 crore ($ 132K usd) pek an si ding timi thehlarnak a hmu ih harsatnak ruangah le a nu le pa bawm duh ruangah thudang ruat mumal thei nawn loin phone number an tar mi ah pehtlaihnak a nei.

Hada Fang tiih hmin pekaw mipakhat in a rak sang ih daan pahballo ih tuah ding a si ruangah donor card tuah hmai a ṭul. Curuangah tax pekding leh palik siannak ca pawl laknak dingin himi bank account ah paisa rak thun aw tiin bank account 3 a pek.

Aishwarya cun suiṭhi le faute a neihsun pawl zuar in Hada Fang pek mi bank account ahcun Rs 3.1 lakh a thun. A thun mi paisa a lut ṭheh veten Hada Fang cun a biak nawn lo. A hman mi WhatsApp account cu a nung lai nan ca a kuat khal le reply nak ziang hman a um nawn lo ruangah beidong in Palik hnenah report nak a nei.

Palik pawl in zingzoinak an nei ih Aishwarya paisa thun mi pawl cu a rak laksuak ṭheh zo ti an hmusuak ih tuah zingzoi pehzawm rero a si.

Curuangah ziangvek harsatnak kan tong a si khalle online ihsi paisa laklut theih an timi hi cu hrial mei sehla a ṭha a si.

ref : TOI

Leave a Reply

Your email address will not be published. Required fields are marked *

error: hahahahahaha !!