Ralhraang pawl in Volleyball beng thiam falanui` Lu tan sak

Kan dung baite ih Afghan cozah thuneihnak latu Taliban ralhraang pawl cun Afghan junior women’s national volleyball team member Mahjabeen Hakimi ih Lu an tan bul.

Cuih thuhla cu volleyball beng zirhtu an coach in Persian Independent hnen ah a sim mi a si ih Afghan khuapi Kabul ah a Lu an tan a ti.

Humhimnak ruangih hmin tarlang duhlotu volleyball zirhtu cun “zo hman in an thei hrih zik lo. Taliban ralhraang pawl in a sungte an hringhro ih zohman an sim ngam lo” a ti.

Mahjabeen Hakimi cu an ram a buai hlan ah Kabul Municipality Volleyball Club hmin in Volleyball lek ṭheutu a si ih an club ih mithiambiklam a si. Athih thu thuthang a suak hlan ah amah Lu bul siding zum a um mi zuk cu online ah a darh.

Ralhraang pawl in an that nak san?

Anih hi Taliban ralhraang pawl ih hua zetmi Hazara phunhman a si. Hazaras hnam cu 13th Century ih Afghanistan rak dotu Mongolia (Central Asia) hruaitu Genghis Khan ih ciithlah an si ih, Afghan ram ah biaknak lam khalin siseh miphun lam zawng khalin mimal an si.

Phunhnam zawngih nuaineekmi an si hlei ah Taliban ralhraang pawl ih dokalhmi nunau cuangce a si ruangah that a tuar siding tiah zumnak a um a si.

Taliban ralhraang pawl in Afghan ram an uk hnu ah ramsung nunau pianvo thawn pehpar ih hnaṭuantu le nunau hminthang cuangce tamsawn cun an nunnak hrang ṭih in ram an suah san. Olympics ih rak tel dahtu mipakhat khalin Lehpannak ih teldahtu ramsungum nunau hmuahhmuah cu an thuamhnaw le lehpannak thawn pehparmi thil zaten urkaang thluh lohli dingin Socialmedia ah thucahnak a nei dah a si.

Leave a Reply

Your email address will not be published. Required fields are marked *