Quarantine nak ih hmang mi Inn ciim thu thawn pehpar in Minung 23 Tayacuai

China : Quarantine neinak ih an hman mi hotel inn ciim thu thawn pehpar in China cozah in mipum 23 pawl cu tayacuai nak a nei.

Inn chaung dot 4 lawng sak dingih timtuah mi ah cozah theiloin a thup ten inn chaung dot 3 an sak bet ruangah daan pah bal a si tiin China cozah pi in taya a cuai hai mi a si.

Quanzhou khua ih room 66 ummi Xinjia Hotel innpi cu Covid 19 boruak lai ah ramleng lam ihsin ramsung lut pekte pawl quarantine retnak ih an hman mi a siih, March 7 ah hotel innpi a ciim ruangah mipum 29 an thi ih mipum 42 in hriamhma an tuar a si.

Innpi a ciim veten cozah lam in zingzoinak an nei cih ih inn dot 4 lawng sak dingih timtuah mi ah inn chaung dot 3 an sak bet mi an hmusuak ih cozah bumtu hotel neitu le inn saknak thawn pehparnak nei pawl zaten, tui`zing tlaawngkai nihnih ah China cozahpi in tayacuai nak a nei a si.

China ram ah inn a ciim thei zetih an puhmawhbik cu mipum karhzai cak ruangih inn ciip le olsam ten an sak ṭheu mi le safety rule an thlunlo ruangah a si.

ref:CCTV,TI

Leave a Reply

Your email address will not be published. Required fields are marked *