Putin ih Ek thawh mi Russia ram ah an phur tlung sal

Russia President Vladimir Putin khual a tlawng tikah a ek thawh mi cu amah kilkhawitu Federal Protection Service (FPS) in Russia ram ah an phur tlung sal ṭheu ti`n Reporter Regis Gente in a rel.

Putin ek thawh mi an ngai poimawh nak san cu a hriselnak midang theih ding an phang ruangah a si ih a bodyguard in felfaiten fun in amah ek ret nak hrang loiloi ih tuah mi kuang thawn Russia ram ah an tlunpi sal ṭheu ti a si.

Hih thu relsuaktu reporter Regis Gente in “khual a tlawng tinten an tuah maw ti cu fiangten ka rel thei lo nan 2017 ih France ram a tlawng ṭum le 2019 ih Saudi Arabia a tlawng ṭum cu ka thei ciang” a ti.

BBC hrang hna rak ṭuan dahtu Farida Rustamova khalin hih thu cu a nemhnget ve ih “Vienna khua a tlawng ṭum khalah special private Ek thawh nak a keng ka thei ngai. Russia hruaitu a si ve ten hitin an tuah ṭan cih” a ti.

Ek thawh mi thawn thlingthla awknak hi Soviet Union hruaitu ralhraang Joseph Stalin in a rak hmang dah.

China hruaitu Mao Zedong Russia a tlawng ṭum ah Moscow ih a ek thawh mi cu a hriselnak thei duh ah Joseph Stalin in a athupten a ret ṭha ter ih mithiamsang pawl zirzoinak a tuahter a si.

North Korea hruaitu Kim Jong-un khalin Pu Trump thawn Singapore ih an tongaw ṭum ah a hriselnak midang theih phang ah amah hrang liolio ih tuahmi ek-thawhnak a keng a si.

Vladimir Putin le hriselnak

Putin hriselnak hi Ukraine ram an luhcilh thok ihsin thu phunphun a suak ih, nemhnget lomi thuthang ṭhenkhat cun Cancer nat a nei ti`n an tarlang. Kum 2-3 bak a dam nawn lo ding tiih FSB officer thu rel mi khal media ṭhenkhat in an tarlang rero zo.

Tu kum, Ṭhal ṭan thok, may thla ih Moscow Victory Day parade an tuah lai khal ah blanket sin in a khuh a khuh rerolai video tawi cu online a rak darh dah zo.

February thla ih Belarus hruaitu thawn an tongaw ṭum khalah video an thlah mi ah a kut a khur ciamco vekin a lang. Reporter ṭhenkhat tla cun a damlonak thup duh ah amah thawn hmel bangaw “body double” a hmang phah rero zo ding an zum a si.

Leave a Reply

Your email address will not be published. Required fields are marked *