PUBG lek nakah a Nu le Pa bank account paisa million 29 kyats hmangsak

Punjab ih um kum 17 tlangval pate cun PUBG game lek nakah a pa le nu bank account ta paisa Rs 16 lakh (2,91,84,429.42 Myanmar Kyat) a rak hmang thup ih thla 1 hnu lawng ah a nu le pa in an thei.

Online ca zir nakah tiin a nu phone a hlang ih PUBG a rak lek thup ṭheu. PUBG game sungih ceiawknak meithal, hnipuan tivek a lei ih an clan sung ih a rualpi pawl hrang khal ah paisa tamzet cem in meithal, hnipuan skin a lei sak.

Bank lam in a paisa hmangmizet notification an rak kuat khalle a nu le pa hmu hlan ah a delete ringring. A nu le pai` theihding a phan ruangah bank account an nei mi a thlengkual vivo ih a nui` paisa khawlnak bank account le a mai` bank account sungta paisa hmuahhmuah a hmang faifilik ṭheh.

Bank lam ihsin thlatin an kuat ṭheu mi bank account report ca an dong hnu lawng ah a nu le pa in an thei suak.

A pa cun, “thla tin bank account report kan dong hnu lawng ah ka fapa in kan paisa a rak hmang thup ṭheu mi kan thei suak. Paisa suakdan rual deuh dingin bank account dangdang a thleg ṭheu mi khal kan hmusuak ṭheh.”

“Online cazir nakah tiin a nu phone a hlang. Lockdown tuahding umlo lai ah fimzirnak lam a ngaih sak kan tiih kan lungawi zet sapbei.” tiin a sim.

“Amah hrang ih paisa kan khawl mi hmuahhmuah a hmang fai ṭheh. Ngahtheisaal khal a si lo. Tuahcun, paisa hawl har zia a theifiang theinak dingin motor repair nakah hna ka ṭuanter” a ti.

ref:IndianExpress

Leave a Reply

Your email address will not be published. Required fields are marked *