Puakkuai hnu nazi 30 rei hnu ah Nungdam in Tipithuanthum ah an sar

Lebanon, Beirut tipikap puakkuai nakih sep pet mi Amin al-Zahed cu a hlo hnu nazi 30 rei hnu ah Mediterranean Tipithuanthum ah nungdam in an hmusuak saal ih an runsuak ngah thu, an ram local media in an tarlang.

Himi puakkuainak cu 2,750 tons ammonium nitrate, dawngdah zetin ret ruangih suak mi a siih minung 137 lenglo thi in mi tamzet an hlo a si.

Cumi, mihlo pawl cu an zuk thawn Instagram account tuahsak an siih cupawl lakah Amin al-Zahed khal a tel ve.

Cuih account ahcun Mediterranean Tipithuanthum ah puakkuai nakih sep pet mi Amin al-Zahed an hmu saal zo nan an retnak siizung Rafic Hariri University ah a sung le pawl in an hawl hmu thei hrih lo ti`n an tar lang a si.

Amin al-Zahed nungdam in an hmusaal thu le an runsauk hnu, Lawng par ih a zuk baklo cu a thuhla hmuh ding a um loih, hih thuthawn pehpar mi thuthang dang a um bet leh a si le kan ngan pehzom leh ding.

ref:MT

Leave a Reply

Your email address will not be published. Required fields are marked *