Pu Trump thlah zalen mi ah tel ding a zum aw tuk nan …..

US President Donald Trump in a thuneih netni ah sual tuah ruangih mawhnak nei, thilsualtuah puh tuar, thilsual tuah ruangih thawngtlak minung 100 luan cu an sual ngaidam in a thlah zalen.

Cumi lakah Fort Worth, Texas ih thawngtlak Joe Exotic khalin a telve ding a zumawzet nan hmin cazin an suah taktak cu a rak tel lo. Pu Trump thlah zalen mi ih telveding a ringawtuk ruangah inn a tlun nak ding mawṭaw sau khal a rak retter cia ṭhepṭhi.

Kum 57 mi “Tiger King lole Joe Exotic” tiih theih lar Joseph Allen Maldonado-Passage cu US ram ih ramsa hmuan tumzet nei dah mihminthang a si.

Ramsa that/hrem ruangah le a kut sung in a ramsa longsuak tumtu aral Carole Baskin a that tum ruangah kum 22 thawngthlak tuar a si.

Leitlun huap ih a hminthannak cu ramsa hmuan a tuah dan, a ral Carole Baskin a that tum dan, thilsual a tuah lai video zuk mi tivek pawl cu “Tiger King” timi hmin thawn NetFlix in documentary video a tuah sak ruangah a si.

“Tiger King” documentary cu Kum 2020, Netflix ih zohtu neitambik video a si. Lemcangsalmi siloin ramsa hmuan ih rannung an fingkhawi dan, ramsa an that lai, Carole Baskin that tumin an phiarsawm lai tivek tiang a lang thluh ruangah soiseltu khal a nei tamzet a si.

Leave a Reply

Your email address will not be published. Required fields are marked *