Pu Trump le Madonna karlak ih Thuthup

Pu Trump in hlasak thiam hminthang Madonna a uar nan Madonna in ziang hman ah a siarlo tiin Pu Trump tuunu Mary Trump ih cabu suah dingmi “Too Much and Never Enough: How My Family Created the World’s Most Dangerous Man” sungah a tel tiin Independent website in a tar lang.

Hih thuhla cu kum 1990, Pu Trump hmin ih suah dingmi “The Art of the Comeback” cabu rak ngantu Mary Trump ih simmi a siih, Amah cun “1990 kum ah Pu Trump hmin ih suah dingmi cabu “The Art of the Comeback”ka ngan. Amah rori thawn tongaw in thusutnak neiding a duhlo ruangah a thuhla ngan mi cahmai phek 10 hrawng cu a hnaṭuantu in rak pekter.”

“Cuih ca phek sung ahcun fala a ngair ih a ngah thei lomi nunau pawl ṭongkam mawilo zetin hmin a phuah hai mi pawl a tel. Amah cun hivek pawl telh ding ka duhnak cu cabu famkimter ka duh ruangah a si in ti.”

“Angair ngah lomi fala tamzet lak ah Madonna le Olympic figure skater Katarina Witt khal an tel. Madonna a date nan a ngair ngah theilo ruangah a cekcek (chewing gum) khaaidan ka ngaihlo a ti. Katarina Witt khal a ngair thotho ih a ngah theilo ruangah caw fate a bang a ti” tiin Mary Trump cun a sim.

Hi thuhla ciang thei dingin Independent website in Pu Trump le Madonna biak a tum nan zianghman letsalnak a um lo. Nan, White House press secretary Kayleigh McEnany cun, “Mary Trump ih casuah tummi sungih thuhla pawl cu thuphan lawnglawng an si. Pu Trump hminsiater tumih tuahmi a si” tiin a sim.

Mary Trump ih suah dingmi cabu “Too Much and Never Enough: How My Family Created the World’s Most Dangerous Man” cu an mai` sungkua thu a siih July 14, 2020 ah tlangzarhnak an neitum a si.

ref:businessinsider,wiki

Leave a Reply

Your email address will not be published. Required fields are marked *

error: hahahahahaha !!