Pu Trump in suah ding phan tukmi ‘The Room Where it Happened’ cabu Online ah Leak

Trump administration in suah theilo dingih buaipi reromi cabu ‘The Room Where it Happened’ cu piracy Sites ah a leak ih official in tlangzarh a si hlanah mi tamzet in an rak siar man zo.

Pu Trump in a hnaṭuantu dinhmun ihsin a dawi zo mi National Security Advisor hlun John Bolton ngan mi cabu a siih tuni ih tlangzarh dingmi a si. Google Drive, Drop Box le daanloin movie, hla, software le cabu upload ṭheunak piracy sites (The Pirate Bay, ExtraTorrent, 1337x … tvp) ah kuatawsawng vivo in mitam zetin an siar ngah zo.

THE ROOM WHERE IT HAPPENED COPY

Trump administration cun, hih cabu suah ding thuhla ah “US ram security hrang ṭih nungmi thuthup (classified information) tamzet a tel” tiin suah theilo dingin thuṭhenzung ah a dil nan “US ram siatsuah/buainak suakter thei ding catluan/cafang a tel nawn lo ih tlangzarh thei a si tiin, April thla ah White House official in a phuang zomi a si ruangah Thuṭhenzung cun Trump administration ih dilmi cu a hnawng a si.

‘The Room Where it Happened’ cabu sung ahcun “sawisel hlawh zetmi China ram policy (China in a ramsung ih Muslim pawl hrem daan) Pu Trump in a lungkimpi thu, hlanlai siangpahrang pawl ih ram rak ukdaan vekih ram uktu pawl thawn pehzomnak nei ih a bawm ṭheu thu, Finland ram cu Russia ram in Satellite vekin a hmang tiin Trump in a ruat thu, Dictator tiih ruah mi Turkish President Tayyip Erdogan a bawm thu, pu Trump mizia le president siding a tlaklo thu tvp a tel tiin online ih leak mi cabu siartu le rinsantlak website pawl cun an tar lang a si.

‘The Room Where it Happened’ CABU ngantu John Bolton cu zo a si. Ziang hnaṭuan a si?

November 20, 1948 ah a piang.
Ronald Reagan US President ṭuan lai ah United States Assistant Attorney General dinhmun in 1985-1989 sung a ṭuan.

State Department hrang ah Assistant Secretary of State for International Organization Affairs dinhmun in 1989-1993 sung a ṭuan.

Under Secretary of State for Arms Control and International Security Affairs dinhmun in 2001-2005 sung a ṭuan.

United States Ambassador dinhmun in 2005-2006 sung a ṭuan.

United States National Security Advisor dinhmun in 2018-2019 sung ṭuanmi a si.

ref:TorrentFreak,wiki,INexpress,Metro

Leave a Reply

Your email address will not be published. Required fields are marked *

error: hahahahahaha !!