Pu Trump ih Hmin Thar pekawmi cu A fuh lo Nasa, Twitter ah an kaap …….

Pu Trump in tlawngkai nihnih zing ah hmin thar a peawmi Twitter ah a tar.

Cafang tuum hlir in THE LONE WARRIOR “bulpak/mahlawng ramhrang raldotu paralṭha” tiin a ngan.

Nan, tulaifang ih a dinhmun thawn a milaw lotuk ruangah ramkhel a ral pawl le, a mah duhlotu pawl in a ti awmang lotuk tiin nasa zetin an kaap let sal.

“Afghan ralkap in American ralkap pawl an kahthat ruangah, Russia ram in Afghan ralkap pawl lawmman a pek timi thei cingin G-7 meeting nakah Russia President Vladimir Putin a sawm thotho ih an karlak ih buainak zianghman umlo vekin a kom thotho” tiin, mipi in kan ralkap pawl hman a hum theilo tiih an mawhthluk rero lai fangah hivek in ca a ngan cu mipi in an ei lotuk rori ruangah hiti vekin a thuanthu pawl phorh salin an kaap nak a si.

Coronavirus in mirang ram a buaihnawh laifang ih President ṭuan a si ruangah “wartime president” tiin March thla ih a rak simawknak le ruh damlonak ruangah Vietnam ral lai ih hliamhmatuar pawl enkoltuding ih a fehlo thu tiang in an phorhsuak a si.

The Lone Warrior tiin Twitter ih a thlah mi ca letsalnak pawl rak zoh ve aw.

ref:Huff,Guardian,NYpost

Leave a Reply

Your email address will not be published. Required fields are marked *