Pu Trump hoha mi Pungkhawmawknak ih Wifi password cu mipi in lawm hleice

November 3 ih tuahmi US rampi hrilawknak cu puhmawhawnnak phunphun ruangah tuini tiang a buai vivo hrih.

Mainstream media tamsawn cun Joe Biden in nehnak a co tiah an aupi ih tolai President Donald Trump lam khalin vote fir bumawknak ruangah kan caklo a si tiah an aupi ve.

Cutiih an buai vutvo lai ah Pu Trump cun State Republican Senator hrang boruakhainak a nei ih a mah hoha nakin Georgia ah mipi pungkhawmawknak an nei.

Cuih hmun ah thuthang lak dingih fehtu Mainstream media pawl cu Trump team in tihrim phah in WiFi password dangdaizet an tuah sak.

Hih thuthawn pehpar in Trump campaign ih senior adviser Jenna Ellis cun “Georgia pungkhawmawknak ih WiFi password tuahtu @TeamTrump pawl nan ti ṭha tuk. Fake news media pawl in WiFi an hmangduh a si le himi password an ngan ṭul” ti`n Twitter ah ca a ngan ih Press WiFi: SSID – Make American Great Again, PassWord – RiggedElection! tiih ngan mi caphek zuk cu Twitter a thlah.

Twitter zuk post mi cu like tu Thawngthum luan an um ih WiFi hmin ah “Make American Great Again” tiih an hmanmi le password ah “RiggedElection” tiih an hman mi cu mipi ih an lawm hleice.

Mipakhat cun “Hitiih ti phu hrimhrim an si. A dik lomi election timi thawn pehparmi thuthang an ngan duh lo nan tu ah cun an duhlo khalle an ngan a ṭul. WiFi password ka hmumi hmuahhmuah lakih ropibik a si” a ti.

Mipakhat khalin “adiklomi election ti men lawng a tawk lo. Satan lamṭang mihrokhrawl pawl ih tuah mi election timi password hmang sawn ding an si nan” tiah a ngan a si. (Twitter)

Leave a Reply

Your email address will not be published. Required fields are marked *