Pu Trump a dodal ruangah Sungkhat Unau I Hnon a tuar

Illinois Rep. Adam Kinzinger cu Pu Trump a dodal ruangah a sungkhat unau pawl ih hnon a tuar

Anih hi Pu Trump impeach dingiin vote petu Republican 10 lakih telve a si. Kum 2013 lam ihsin Congress ih rak telbantu a si ih QAnon zumnak rak thluntu GOP pawl rak sehreh zettu a si.

Pu Trump thiamlo coter tumtu Republican 10 lakih a telve ruangah party sung ih a hnaṭuanpi pawl in “RINO (Republican In Name Only) ti`n an ko ṭheu. Pu Trump ṭantu hnen ihsin that an duh nak ca tiang a dong lawng siloin, tu ah, sungkhat unau tiangih hnon a tuar a si.

“Ka pa cousin hnen in an sungkhat unau si dingih in duh nawnlo nak cakuat ka dong. ‘satan ralkap na si zo’ in ti. Amak ka ti tuk. Ziangvek dinhmun ka thlen khalle ngaihsaktu ka nei ti`n ka rak ruat ṭheu nan” ti`n interview an nei nakah Adam Kinzinger in a sim.

Amah cun “Ahlan ihsin QAnon zumnak atcilhtu GOP pawl ka rak sehreh zet. An zawh mi lamziin hi ziangvek a si ti thei fiang hai dingin ka duh sak zet. January 6 khal kha buainak a suak ding ti ka zum cia ruangah meithal thawn ka thluahaw” a ti.

Hivek dinhmun a thleng ruangah a hmakhau a pit phah menthei ti`n ramkhel mithiam pawl in an sim ih, Kum 2022 (House) hrilawknak khalah a tlinglo phah men thei tiah CBS news in a tarlang a si.

Leave a Reply

Your email address will not be published. Required fields are marked *