Prophet Mohammed zuklem ruangah Tlawng saya Hngawngtan in that tuar

French khawpi Paris thawn km 30 hrawng hlat nak, Conflans-Sainte-Honorine ih lailak Tlawng saya pakhat cu Prophet Mohammed cartoon zuklem hmang in tlawngta pawl zirhhmuhnak a nei ruangah Lu tan bul in that a tuar.

October 16, French ram zaanlam nazi 5 hrawng ih thilthleng a siih a thattu siding zum um mi kum 18 mi cu palik kaih hrial in a tlan ruangah meithal thawn an kap that.

Muslim į¹­henkhat cun Prophet Muhammad cartoon lem tuah cu pathian thangsiatnak ciikhat a si tiih ruah nak an nei ruangah tuvekin tualthatnak a suak siding an zum.

Hmin phuang duhlo mipakhat cun, “Tlawng saya hin kan dung ni 10 hrawng ah Prophet Muhammad cartoon zuklem tuah a thiang maw, thianglo timi thawn pehpar in thu reltlangnak nei a tum mi thu ah le a zuklem a tuah mi thu ah hringhronak ca a dong ih, tu ah, hivekin that a tuar mi a si” tiah MCTimes hnen ah a sim.

Hih tualthatnak cu ralhraang lungput nei cangvaihnak ciikhat a si ti`n French ram cozah pi in a au pi ih mithattu siding zum um pa` nu le pa le minung 7 pawl cu thusutnak nei dingin į¹­uanvonei pawl in an kai tiah MCtimes in a ngan.

Leave a Reply

Your email address will not be published. Required fields are marked *