Prophet ka si ti aw tu Thuṭhenzung sungah An Kap That

Pathian hmin hmangsual, hmuahsuam le duhdah in a hmang tiih puh tuartu Tahir Ahmed Naseem cu Pakistan, Peshawar khua ih thuṭhenzung sung ah mi pakhat in a kap that.

Muslim biaknak daan pah bal in prophet ka si a ti aw ruangah 2018 kum ihsin palik kutsung ih enkolmi a siih a thuhla relsak dingin July 29 ni ih thuṭhenzung an feh nakah an kap that mi a si.

Muslim biaknak in, daan tamzet an nei mi lak ah prophet thianghlim Muhammad hmin, hmunsuam in maw, a si lo zawng ih hmangtu cu that thei dinhmun tiang thuṭhen sakthei a si ruangah prophet ka si ti aw tu Nazeem khal cu an kaai nak a si.

Nazeem kap that tu cun Prophet Muhammad in kap that dingin ka mang ah in fial ruangah ka kap that mi a si ti`n a sim ih district court police offcial Ijaz Ahmed cun “Nazeem kapthattu in ka tuah mi cu kei mah in ka tuar ṭheh ding a ti. A mang thuhla khal a sim nan, a kap nak san cu pathian a thangsiat ruang bikah a si” a ti.

Prophet ka si ti aw tu Tahir Ahmed Naseem

Pakistan ram cu Muslim biaknak daan hngetkhoh zet hnuai ih um an siih biaknak lam thawn pehpar in pathian hmin thangsiat tucu that dingin daan an nei. Asinan, tu ni tiang cuih daan pahbal ruangah offcial ih death panelty dantatnak cu a um hrih lo. Sihmansehla, cuvek sualnak tuahtu cu biaknak lam ih cangvaihnak neitu pawl ih kut in an thi ṭheu a si.

ref:Mirror

Leave a Reply

Your email address will not be published. Required fields are marked *