President Putin in nauhak a ihpi hmang timi thu cu online ah nasaten a darh saal

Russia President Vladimir Putin in nauhak a ihpi hmang timi thu cu Ukraine rammi pawl in an phorh suak saal ih online ah nasaten an theh darh.

Tumtahbik cu Russia mipi in Putin ziang a si ti theiciang in ralṭha zetin an hruaitu an do ngam theinak ding tumtah in thlah darh mi a si.

Putin in nauhak a ihpi hmang le hmanglo timi cu caan tawk mawi zirzionak kan nei hnu ih ngan mi, himi ca na siar ṭheh ah nangmahten thuthluknak na tuah thei ………

Thu um dan

Russia cozah (Federal Security Service) hrang hna rak ṭuan dahtu Alexander Litvinenko cun kum 2006, July thla ah Russia President Vladimir Putin cu nauhak ihpihmang a si tiah cipciar zetin cahram pakhat a ngan.

Amah hi Russia cozah dodaltu a si ih kaihkhih thah tuar phangah sahimnak hawlin UK ah beu mi a si ih, ramsung a um lai bangin ramleng a thlen hnu khalah “Russia cozah cu corruption ih khatmi an si” tiah Leitlun mipi hmai ih pholang tumṭheutu a si.

A thih nak ding Putin thu a ngan hlan, 2006 kumlai hrawngah Russia mipi lauter theitu thil pakhat a cang.

A inn lam pan ih a feh laifang, lamziin ih nauhak pakhat dingmi cu Putin in a kor a hlip sak ih a pum ah a hnam. Kum 4-5 hrawngmi tourist nauhakpate a hnam hlan ah a khuk a bil ih “na hmin zo saw” ti`n Putin cun a sut. Nauhakpa cun Nikita ka si a ti. Putin in a kor a hlip sak ih a pum ah a hnam. “Miṭhazet a bang. Zawhte bangin pomreek ka cak” tiah Putin cun a ti.

Putin cangvaihlai cu TV ah live an thlah ih a hmutu Russia mipi pawl cu an mangbang thluh. Ziangduhsan in a tuah si pei. A awmanglo tiah soisel a hlawh zet.

Leitlun media picang khalah rel a hlawh zetih amah Putin cun “a phen ah ziang thuhla hman a um lo” ti`n BBC hnen ah sim.

Alexander Litvinenko cangan mi …

Putin in nauhakpate a hnam hnu, July 2006 ah Alexander Litvinenko cun “Putin cu nauhak ihpihmang a si” tiah cahram a ngan.

“Russia President Vladimir Putin thuanthu ih ngan tel lo mi thuhla hmuahhmuah cu nauhak a hnam mi hin a ti fiang sinsin ih ciang zetin a langter” tiah Alexander Litvinenko cun a ti.

“Putin in a theih dah lomi nauhak a hnam cu mi hmuahhmuah an mangbang thluh. Zohmanin an thei thiam lo. Nan, himi simfiahnak hin a kuahawm mi Putin thuanthu cu a silh khat ding.”

“KGB intelligence service hrang timlamnak Andropov Institute ihsin tlawng a ṭheh hnu ah a hnaṭuan tumnak ah an cohlang saal lo. Cumi aiah KGB Leningrad Directorate ah rank niamten a telter. German ṭong nehsawh, Andropov Institute tlawng ṭhehsuak si cingin KGB intelligence service ah a tling thei lo cu thil mak zet a si. Nan, a tlawngkaipi ṭhenkhat cun ciang zetin an thei. Tlawng a ṭheh hnu reilote ah a boss in nauhak cakhiarnak neitu a si thu a thei. Cumiruang bikah KGB intelligence service ah a tel thei lo nak san a si.”

“Andropov Institute ih ṭuanvonei pawl in Putin thuhla cu tlunlam ah an simthei ngam lo. An sung thu zirzoi pholang an phang tikah Putin cu KGB intelligence service ah telter loin a dang ah an kuat hlo. Cuvekcu secret services sungah a um ringringmi a si ih mak ah an rel lem lo.”

“Kum rei hnu ah rampi president ṭuan dingih timlamnak a nei lai fang, FSB director a ṭuan lai ah secret services in kum teelsung a thuhla an khum mi hmuahhmuah cu a siatter thluh. Cumi ah nauhak a ihpi lai video clip khal a tel.”

“Cumi video an zuk nak hmun Russian Prosecutor-General Yuri Skuratov in hawlhhlang nunau pahnih a ihpinak hmun ih zuk mi a si. General Yuri Skuratov khal cu hlawhhlang a itpi lai video an zuk thup mi cun a nunram a siat suah thluh. Cuih video cu Chukotka Governor Roman Abramovich in netahnu ah Yuri Skuratov blackmail nakah a hmang saal leh.”

“Putin khalin cuih hmun ah mi ka rak ihpi dah ti`n Yuri Skuratov hnen ah a sim leh. Cumicu Yuri Skuratov in cabu a suah mi “Variant Drakona caphek (p.p. 153-154) ah a ngan tel. Nan, nauhak a ihpi ti`n a ngan lo. Putin in nauhak an si ti`n a sim lo ruangah nunau pangai ihpi vekin a ngan” tiah Putin thuthup pholangtu Alexander Litvinenko cun a ngan.

Tur (Radioactive) hmangin Alexander Litvinenko an that

Russia cozah soisel ṭheutu Alexander Litvinenko cu Putin in nauhak cakhiarnak a nei tiih ca suah hnu reilote ah Russia spy pawl in London ah Tur (Radioactive) thawn an that.

Ahlan ih Russia cozah a soisel lai ahcun ziangpipa in an ngaih sak lo nan Putin in nauhakcakhiarnak a nei thu a ngan veten London ah Tur thawn an that a si.

Alexander Litvinenko cu 1 November 2006 ah rinlopin a damlo ih zarh 3 hrawng siizung a um hnu ah a thi. Siizung lam in tur thawn a thi tiah an nemhnget ih acute radiation syndrome telmi polonium-210 thawn leitlun ih mithi hmaisabik a si tiah an ngan khum.

Alexander Litvinenko thih thu cu Scotland Yard khalin a hranten zirzoinak an nei ih a thih thu ah Russia cozah baaklo puhmawhding an um lo tiah thuṭhenzung ah an phuang.

Leitlun thuphunphun ngamkhumnak Wikipedia ahcun Russia politician Andrey Konstantinovich Lugovoy (deputy of the State Duma) le ex-KGB agent Dmitri Vladimirovich Kovtun in Tur thawn an that tiah an ngan khum.

Alexander Litvinenko thih thu ah a hranten zirzoinak neitu rintlak thuthang pawl khalin Putin nauhakcakhiarnak a nei thu a rel ruangah an that mi a si tiah an nemhnget ih ataksa autopsy an tuah cu Leitlun ih miruak zohciangnak ṭihnungbik a si tiah Reuters in report a ngan dah.

Leave a Reply

Your email address will not be published. Required fields are marked *