President Donald J. Trump Day timi zungcawlh Nipi nei thok dingin hmalaknak nei

June thla sungah ‘President Donald J. Trump Day’ timi zungcawlh nipi nei thok dingin Ohoi ih Republican hotulam mipahnih in US cozah hnen ah an dil.

Republican party a simi Reps. Jon Cross le Reggie Stoltfuz cun June 14 ni cu US rampi President ropibik dinhmun in ‘President Donald J. Trump Day’ tiah zungcawlh Nipi ah hmang thok dingin US lawmaker pawl hnen ah email an kuat a si.

Email ahcun “Trump admin in US rampi ṭhansonakding hrangih a tuahsuak mi thil ropi pawl hi kan nih Upadi thleng thei le tuah thei thuneitu pawlkom (legislature) khalin kan suansak ih kan theihpi ve timi langter uh si” tiah an ngan a si.

June 14 cu National Flag Day ti`n kum rei zet rak hman zo mi a si tikah Ohio Republican hotu pawl ih dilmi cu ziangtin letnak an dong sal ding ti theih a si lo.

Pu Trump hi Ohio ramkulh sungih umhmun khuar dah tu a si lo nan hih hmun ah kum 2016 ah siseh, kum 2020 hrilawkṭum khalah nehnak a co a si.

Leave a Reply

Your email address will not be published. Required fields are marked *