Poland ram tipi ah Kum 75 rei zo mi World War II bomb puak kuai

Poland ram tipi sungih hmusuak mi World War 2 Tallboy bomb cu tipi sungah a puak kuai ih khawngaw le hliamhmatuar cu an um lo.

Earthquake bomb tikhalih theih lar mi Tallboy bomb cu Britist Royal Air Force in leitlun ralpi voihnihnak ṭum ah German Lawngpi siatsuah ding ih thlak mi a siih puak kuai loin Świnoujście khua kap tipi sungah kum 70 luan a rak um zo.

12,000 pounds rit mi Tallboy bomb cu 2019 September thla ih hmusuak mi a siih October 13 ah Poland Navy ralkap in ṭhiatbal an tum lai fang ah a puak mi a si.

Polish Ministry of Defense ṭuanvonei pakhat cun, “Tallboy bomb ṭhiatbal tum in kiangkap um minung 750 lenglo cu hmun him nak ah kan ṭhawn ter thluh. October 12 ihsin kan cangvai thok ih bomb kan kang ziamralter (deflagration) tum lai ah a puak mi a si. Ralring zetih tuahṭuan mi a si ruangah khawngaw le hliamhmatuar an um lo” ti`n CNN hnen ah a sim.

April 1945, Leitlun ralpi voihnihnak ah Royal Air Force in German Lawngpi siatsuah dingin bomb tamzet a thlak ih October 13 ih puakkuai mi Tallboy bomb khal, cuih ṭum ah an thlak ve nan a puak kuai lo mi a si tiah CNN in a ngan.

Leave a Reply

Your email address will not be published. Required fields are marked *