Peru cozah in Japan pa` SunMang kim suak ter

Machu Picchu ih lut dingin thla 6 luan hngak tu Japan tourist Jesse Katayama (kum 26) cu Peru ram cozah in a mah hrang liolio ah Machu Picchu cu an ong sak.

Jesse Katayama cu Leitlun mangbangza thilmak 10 lak ih tel ve mi Machu Picchu vehvai dingin March thla ah Peru ram ah a thleng ih Covid 19 boruak ruangah a feh duhnak feh suak theilo le an ram ah tlung thei lo in Machu Picchu kiang ih Aguas Calientes khua ah a tang.

Beidong loin thla 6 luan rori a hngak thei ruangah le Machu Picchu sung ih tourist pawl vehvai duh bik mi Inca ruins ih a lut duh thu, Peru cozah hnen ah a dil ruangah Covid 19 boruak ruang ih an phit mi Machu Picchu cu a mah hrang liolio ah an ong sak ih lungawi diriam zetin a feh duh nak hmun pawl a fang thei.

Peru Culture Minister Alejandro Neyra cun “A sunmang kan ti kim. Machu Picchu ih lut duh ah Peru ram ah a ra. Tucu hna ngam ten an ram ah a tlung sal thei zo” a ti.

Jesse Katayama cu October 10 ah Machu Picchu kilkhawitu ṭuanvonei lu bik in a feh duh nak hmun pawl ah a thlun khihhmuh vivo ih di riam zet in Inca ruins sung cu a fang suak a si.

Hram:Telegraph

Leave a Reply

Your email address will not be published. Required fields are marked *