Pawngsual hmang misual cu an Til Mu siat sak ding – Prime Minister Imran Khan

Pakistan Prime Minister Imran Khan cun numi pawngsual hmang le kum kim lo nauhak hmuhsuam/pawngsual hmang pawl cu an Til mu siatsak sehla a ṭha ding ti`n hmaton thusutnak an nei nakah a sim.

92 News channel ih Hard Talk Pakistan hmaton thusutnak an nei nak ah a sim mi a siih hih thu thawn pehpar in Pakistan cozahpi le ṭuanvo nei pawl thawn kan ronaw lai a ti.

92 News host Moeed Pirzada in “kan rampi hnin ter tu pawngsual hmang misual dantat danding ziangtin na ruat” ti`n a sut ih PM Imran Khan cun “mi pawngsual hmang le kum kim lo nauhak hmuhsuam/pawngsual hmang cu mipi hmai ih thlai that rori ka duh.”

Asinan cuvek dantatnak cu Leitlun ram ṭhenkhat in an duh lo. An duh lo cing ih kan hman thotho ahcun siipuaizi partner European Union in, in hnong thei ih kan ram tlaksiatnak ah a cang phah thluh ding. Curuangah hivek misual pawl cu ne ta ah tuah thei nawn lo dingin, Siidawt lole surgery nak thawn an Til mu siatsak sehla ṭha ding” a ti.

Pakistan ram ah pawngsual thubuai nei an tam vivo ih kan dung zerh sung khalah Lahore ih um numi pakhat cu lamziin lailak ah a motor a siat ih a tuah tuding a hngak rero lai ah mi pahnih in an pawngsual ih a thilri neih mi hmuahhmuah an long thluh. (AFP)

Leave a Reply

Your email address will not be published. Required fields are marked *