Parler Social Network rak hmang dah tu pawl Thlaphang in an um
Right-wing social network Parler cu January 11 ah an phit (offline) tiah theih a si. Nan, a hmangtu pawl ih data (Capitol innpi an siim ṭum ih post mi zuk,video, message tvk le an umnak location) cu hacker in a zate deuh thaw in an rak download man tiah thuthang a suak ih Parler app hmangtu pawl cu thinphang in an um.
“US cozahpi in Capitol siim ṭum ih teltu hawl sal in zingzoinak a nei rero tikah cuih ṭum ih telve Parler app hmangtu pawl cun private ih an ret mi an zuk le video tvk a leak thluh ding an phang. An data palik kut ih a thleng cun Capitol siim ṭum ih an cangvaihdan ih zirin kaihkhih theih an si” tiah The Wall Street Journal website in a tarlang.
#parlershutdown But the data is captured. https://t.co/kYL3LUKIRZ
— Charles Adler (@charlesadler) January 11, 2021
Twitter in a platform ihsin Pu Trump a hnong hnu ah a dungthlun tamzet cu Right-wing social network a si mi Parler ah an ceer ih caan malte sungah a hmangtu an pung zet. (Twitter in Pu Trump account a phit sak mi thu ah ruah dan a phunphun a suak. A ṭha titu khal an um ih an an luan tuk titu khal an tam)
Twitter ihsin Pu Trump hnon a si hnu minute malte ah Google khalin a hmangtu pawl i “free-speech social network” an ti mi Parler app cu ka policies a thlun lo ti`n Play Store ihsin a hnong.
Cuhnuah Apple khalin Parler app cu “policies an rem hlan sung App store in ka hnong a si” tiah thuthang a suah ve. Parler app hrambunnak a si mi Amazon khalin Google le Apple dung thlun in Parler cu a platform in a hnong ih a hramhri a cat thla ruangah Parler cu an phit lawlaw. (an ti nung sal khal a si thei)
Why was Parler shut down? Here’s a look at the social-media platform and why it’s offline now https://t.co/27yfIAIqMy
— The Wall Street Journal (@WSJ) January 13, 2021
Parler data thu thawn pehpar in data download tu hacker pakhat cun “Parler social network data cu 56.7 -terabyte (56700 GB) hrawng a si. Tu ah, GPS coordinate (location), ni le thla, a tikcu khen cih a si mi video, zuk, message pawl cu computer scientist pawl in an phorhsuak rero. Abikin Capitol Hill an siim ṭum ih zuk le video kan bat cuang.”
“Hitiih hmalaknak kan nei naksan cu thil sual an tuah mi hi daan le duun vekin hrem tuar an phu tiah kan ruat ruangah a si. Cun, Parler cu a hmangtu pawl in “free-speech social network” a si an ti nan a tak ahcun “Hate-speech social network” sawn a si. Asinan, Parler hmang tinkim`n feh sual an si kan ti duh nak san cu a si lo” tiah Motherboard hnen ah a sim ih “kan hmusuak mi cu US palik pibik FBI kut ah kan up ding” a ti.
RELEASE: Every Parler post made during the 06/01/2021 US Capitol riots. https://t.co/YUl8CtFPw8 (batches of 100k URLs, for archival purposes)
— crash override (@donk_enby) January 9, 2021
Capitol Hill siim thu thawn pehpar in FBI lam in zingzoinak an nei rero ih innpi siim dingih hmainortu le cozah daankalh cangvaihnak neitu tiih an ruah mi pawl cu a sangsang ten a kai rero zo. Tu khalah zingzoinak an nei peh vivo ih Parler data leak mi cu an kut sungih up a si tikah an cohlang ding le dinglo cu theihcian a si lo.
Parler cu Social Network picang Twitter le Facebook dung thlun in 2018 ah an tuah suak mi a si. Atuahtu cu American computer scientist John Matze le conservative pawlkom/bulpak khaiso ṭanpitu Rebekah Mercer (co-founder) an si ih a neitu cu conservative political commentator Dan Bongino a si tiah wikipedia ah an tarlang.
A hmangtu tamsawn cu Donald Trump supporters, conservatives, conspiracy theorists le right-wing extremist an si ih an ca post mi ah conspiracy theories (abikin QAnon zumnak) a tam.
The Parler social app is offline after being dropped by Apple, Amazon and Google.
They say it broke guidelines by allowing posts supporting the attack on the Capitol, plus “threats of violence,” like calls to kill Democrats and Black Lives Matter activists. pic.twitter.com/SOerQEWh3c
— AJ+ (@ajplus) January 11, 2021
Journalists pawl in Twitter sangtu a si ti`n an relsuak ṭheu nan far-right ruahnakluan userbase an si mi cu an soisel zet.
2020 US election boruak hrawng in a hmangtu an pung ciamco ih December, 2020 tiang active user 2.3 million an um.
January 2021 tiang ah a hmangtu 15 million an kim ih Capitol Hill siimawk ṭum hnuaihnih awknak (puh an tuar) ruangah an tlak siat sal.
Cuih ṭum thuhla ruangah Company tamzetin hna an ṭuanpi peih nawn lo ih a hram bunnak Amazon Web Services in a hnong hnu January 10, 2021 ah an phit lawlaw a si.
