Palik motor 5 Ur-kangtu cu a Mit Hmul le Tattoo cuk rual lomi zoh ṭhimin …….

A hmel theithiamlo dingin puan thawn tuamaw ih palik motor ur-kangtu nunau pakhat cu a danglam zetmi a mit hmul ruangah palik in an hawl hmu lohli sal.

May 30 ih thilthleng a siih George Floyd thihnak ruangih duhphorhnak pehzom vivo mipi pawl ih police-free Capitol Hill Autonomous Zone kiang ih thilthleng a si.

Palik motor 5 ur-kangtu lakih telve Margaret Aislinn Channon hi 2019 laiah a hlo a si tiin Texas ih hawl rero mi a siih palik motor a khang lai ah a hmel langlo dingin a tuamaw thluh nan a mit tlun ih tattoo cukmi le a mit hmul rual awlo mi zohṭhim in palik pawl in an hawl ih a um nak Tacoma, Washington state ah an kai ngah.

U.S. Attorney Brian Moran cun “molotov vek (palang sungih ziinan thun mi puakkuat thei) hmangin palik motor an ur-kang ih duhphorhnak nei mipi a tuahmawh thei hlei ah kangmei nasa zetih suakter thei a si.”

“Kiangkap ih CCTV, media pawl ih video zukmi, social media ih thlah mi zuk le a mithmul danglam zohṭhim in kan hawl ih kaingahmi a si” tin a sim.

Channon cu an kai zo ih thilsual a tuahmi ruangah kum 10 luan thawngtlakthei dinhmun a si.

(toofab)

Leave a Reply

Your email address will not be published. Required fields are marked *