Pakistan ram, Lahore ah Electronic Dawr ropi a kang
Pakistan, Lahore khua ih Hafeez Centre ah kangmei a suak ih meithat pawl in nazi 12 sung mei an phal.
October 18, zinglam ah mobile phone, laptop le electronic thilṭha tamzet zuarnak Hafeez plaza innpi dot 2 nak in a kang thok ih zaanlam nazi 6 luan tiang meisa an phal thei lo.
“Khawngaw le hliamhmatuar cu an um lo. Innpi dot hnih nak in a kang thok ih a tluntabik dot 4 nak inn dunglam khal a kang tel. Dawr 30-40 hrawng a kang ih million luan man thilri a ziamral.”
“Mobile le Laptop a tam tikah meialh a tak tuk ih phal a har cuang. Meithat pawl ih tidai khal a cem thluh ih ralkap meithat motor thawn in bawm sal ruangah kan mit thei fang a si” tiah meithat bawi AJ rama in PKT media hnen ah a sim.
Meikang cu electric short circuit in thok mi a si ti`n official in an phuang nan ralhrang tamnak Pakistan ram a si vekin lungput danglam nei biaknak sakhua pawl ih cangvaihnak a si pang pei maw ti`n thusutnak a um ih thuhla ciang zingzoibet dingin member 14 tel mi committee an din a si.
CM Punjab @UsmanAKBuzdar is monitoring the situation of #HafeezCentre firefighting operation.
Provincial Minister from Lahore @Dr_YasminRashid, ACS Home, Commissioner Lahore, DG Rescue and DC Lahore are on spot and overseeing the rescue operation. pic.twitter.com/x9lRbnd4qI
— Azhar Mashwani (@MashwaniAzhar) October 18, 2020
