NYPD Palik Motor Brake Atcattu An Kaai

Brooklyn : Lamziinkap ih NYPD palik motor retmi a brake chatsaktu mi pakhat cu palik pawl in an kaai.

Motor brake ticattu Jeremy Trapp (kum 24) hi palik pawl ih hmel theih a si. Tulai palik dodal cangvaihnak ih telṭheu a siih City hall kiangkap ih a vak sukso lai an hmu ṭheu.

NYPD Palik motor brake atcattu Jeremy Trapp

July 17 ih thilthleng a siih Jeremy Trapp in New York Police Department motor brake ti cat hnu, motor tang ihsin a suak lai an hmu ih an kaai mi a si. Palik mechanic in Jeremy ih thil tuah mi a zoh ciang hnu ah motor brake a ti cat mi a hmusuak ih, an kaai naksan, mipi theiciang dingin motor brake a ti cat lai zuk, online ah an thlah.

NYPD Palik motor tang ihsin a suak lai an zuk mi

Tulai, US ramsung palik dodal cangvaihnak neitu an tamzet ih kandung baite khalah palik motor an urkaang. Palik huatnak langter duhphorhnak ruangih hriamhmatuar palik khal an tamzet. Tuṭum ih palik motor brake an ti cat mi khal hi rak theilo hai bang sehla, bahkhawnnak napin a suak thei ih thihnak tiang a thlen thei a si.

ref : NBCnewyork

Leave a Reply

Your email address will not be published. Required fields are marked *