NYC Bus Drivers Union in New York palik fial mi tuah duh lo

New York City MTA hnaṭuan pawl cun duhphorhnak nei ruangih kaih tuar mipi pawl cu thawng-inn lam ah phur duh loin NYPD pawl ih thu elin mipi lam ih an ṭan zia langternak an nei.

George Floyd thihnak thawn pehpar in US ramsung palik pawl par ih mipi thinhennak cu hmun tamzet ah langternak an nei vivo ih US Minneapolis Bus driver pawl khalin mipi lam ih an ṭan zia lang terin kaih a tuar mipi pawl cu phur duhlo in an um.

Cutivek ṭhiamṭhiam in Brooklyn’s Barclays Center hmai duhphorhnak nei ruangih kaih tuarmi mipi pawl khal cu thawng-inn lam ih phur duh loin an um. Culaifang cu mipi pawl in an lawm zetih video ih rak zuktu khal an um.

Transit Workers Union Local 100 vice president JP Patafio cun “kan bus pawl cu hivek hrangah kan hmang theilo, hivek thilthleng duhlo ruangah 2011 Zucotti Park/Occupy Wall St. buai ṭum khal ah New York Police Department pi tazacuai nak kan nei” tiin mipi lam an ṭan zia lang terin a sim.

ref: ViceAS

Leave a Reply

Your email address will not be published. Required fields are marked *