Nuthlawi Shakira kum 8 Thawng tlak thei dinhmun ah a um
Tuhlan kum 8 lenglo rei zo mi Tax thu thawn pehparin hlasakthiam hminthang Shakira thiam lo an coter a si le kum 8 le thla 2 sung thawng tlak thei dinhmun ah a um.
Amah hi Spain cozah hnen ah euros paisa 14.5 million ($15 million) Tax leiba a nei tiah puhmi a si ih, a puhtu Spain prosecutor in biakremaw dingin kut an hlan nan Shakira in thuṭhenzung ah rel fel dingin a hril sawn.
Thuṭhenzung ah thuhla felfai rel ṭha in Shakira thiam lo a co a si le, kum 8 le thla 2 sung thawng thlak dingin Prosecutor in dilngennak an tuah tum hlei ah 24 million euros cawh kuanter an tum.
Prosecutors in Spain say they will ask a court to sentence Colombian pop star Shakira to eight years and two months in prison, if she is convicted in her expected trial for alleged tax fraud. https://t.co/nAjPDLyvhB
— ABC News (@ABC) July 29, 2022
Tax a pe lo tiih an puh mi hi 2012-2014 kum ta a si ih Shakira lam cun kan pe rori zo tiah an ṭang ve ih “curuangah Duun le Daan zawngin kan fehpi ding” ti`n thuṭhenzung tiang thleng an tum. Ziangtikin thubuai an rel thok ding ti cu a fiang hrih lo.
Colombia ram mi hlasak le lamthiam Shakira Isabel Mebarak Ripoll cu Spain ram mi bawlung sit thiam Gerard Piqué thawn fanau 2 an nei ih, kum 11 sung an um tlang hnu, tubai ah an ṭhen aw. Atu hi nuthlawi tharhlamte a si.
