Novak Djokovic a cangsual, US Open 2020 zuamnak in An Hnong – Video

Tufang, Leitlun huap Tennis thawi thiambik sinak neitu Novak Djokovic cu Tennis lek laiah cangsual in Daan a pahbal ruangah US Open 2020 zuamnak in an hnong.

US Open 2020 round 4 nak, Carreno Busta thawn an lek lai ah point nei mal hngirṭeu in a zaal ta Tennis a suah ih tumtah nei hran loin dunglam ah a vun thawi cu, Line Judge Or ah a ngah pang.

Line Judge cu a Or nat tuar lo in a tluk ih Novak Djokovic in thiamawlo zetin ngaithaim a va dil. Asinan, “Siizung thlen hman a ṭul si lo” ti`n a ṭong mi cun mi lung a laaklo zet ih relsiat khal a hlawh zet.

Hih thuthawn pehpar in US Open Official cun “Daan kan nei mi ah, ‘US Open zuamnak ih teltu cun a lek pi, Judge, a zohtu tvk taksa na dingin lole mualpho ningzak dingin a tuah lo ding’ ti a si.”

“Aṭul lomi Novak Djokovic cangvaihnak in Line Judge taksa a nat ter. Curuangah Novak Djokovic cu US Open zuamnak in kan hnong a si” tiah Official in an phuang.

Hivekdeuh cangsualnak thawn, 1995 Wimbledon Tennis thawi zuamnak ih hnon tuartu Tim Henman cun “a dik mi thuthluknak an nei. Judge bat hrim mi a si lo ti cu ciangten a lang. Asinan Novak Djokovic ruangah Line Judge taksa a na. Curuangah a tuah mi cu a mah in a tuar ṭul” ti`n Novak Djokovic a mawh thluk.

US Open round 4 thlengtheicin cu $250,000 lawmman pek ṭheu an si nan round 4 nak leklai fangih hnonsuah a si ruangah Novak Djokovic cun cuih paisa a dong lo ding tiah LA times cun a tarlang.

Novak Djokovic (kum 33) cu Serbia ram mi a siih a tu dinhmun ah 17 Grand Slam paklek nehnak thawn Leitlun huap paklek Tennis thawi thiambik sinak neitu a si.

Leave a Reply

Your email address will not be published. Required fields are marked *

error: hahahahahaha !!