Ni 42 sung Ruahpi Ceen in Lei a min ruangah Minung 14 thi

Ni 42 sung ruah ceennak ruangah South Korea ram ah nasaten tilik, leiminnak a suak ih minung 1000 luan in an Inn le Lo an tlansan hlei ah minung 14 an thi zo a si.

Ruah ceennak cun Seoul khua ziinpi, lilawn ṭhenkhat pawl ah tiliknak a suak terih Loram tamzet khal a siatsuah.

Ruah ceen in leimin nak ruangih mithi pawl lak ah New Zealand ram mi innsang khat te khal an tel ih vacation an feh nakih riahbuk ah lei a min ih a hmun ah nupa khuahkhat le an fapa te an thi cih a si.

Factory ih hnaṭuan lai minung pathum khal, an umnak ah lei a min ruangah a hmun ah an thi cih ve.

Covid 19 boruak tlun ah hivek, ruahpi ceen nak in an ramsung a ti buai bet ruangah President Moon Jae in a ram mipi hnen ah a tuarpi thu a sim ih nunnak cemral um nawn lo nak ding khalin ralring cio dingin forhfialnak a nei.

South Korea ram Furpi ruah ceen nak ruangah kum tin deuh thaw in ti a lik ṭheu ih, 2013 kum khalah ni 49 sung ruahpi a ceen ruangah nasaten harsatnak an rak tong dah a si.

ref:SAMP

Leave a Reply

Your email address will not be published. Required fields are marked *