Ni 2 sungah Minung 110 Ṭek in tlak that

INDIA : Bihar le Uttar Pradesh ih ni 2 sung ṭektlaknak ruangah minung 110 an thi ih 32 hnak ihtam pawl in hliamhma an tuar tiah state official cun a phuang.

Bihar ah a nasa cuang ih ni 2 (tlawngkai ni 3 le ni 4) sung lawng ah ṭek in minung 83 a tla that. Ṭektlak ruangih hliamhma tuar minung 20 an um ih an zaten sizung ah tuamhlawm an si.

Bihar kiang Uttar Pradesh khalah ṭektlak ruangah minung 24 an thi ih minung 12 pawl hliamhma an tuar.Cupawl lak ih minung 3 cu an taksa a siat ṭheh ih lak tlak ding khal a um lo tiin Lucknow cozah cun a phuang.

Khua dang khal ah ṭek in tlak that mi an um ve ih Nawada le Madhubani ah minung 8 veve, Siwan le Bhagalpur ah minung 6 veve, East Champaran, Darbhanga le Banka ah(minung 5 ciar), Khagaria le Aurangabad ah (minung 3 veve), West Champaran, Kishanganj, Jehanabad, Jamui, Purnea, Supaul, Buxar le Kaimur ah (minung 2 ciar), Samastipur, Sheohar, Saran, Sitmarhi, Madhepura (minung 1 cia) pawl an si.

Ṭektlanak ruangah cozah inn, tlawng tvp khal tamzet a siat. Nepal ramri ih um district 38 pawl khalah ruahsur ṭektlakding zum a si ruangah ṭektlak ruangih hlimhmatuar tawmhlawn nakding khal India cozah in a ralring cia a si.

ref:IND

Leave a Reply

Your email address will not be published. Required fields are marked *