Ni 14 hnu ah Leikhur sungih tang minung 11 an runsuak

Sui hawlnak Leikhur sungih tang minung 11 cu January 25 ah China mibawmtu pawl in an runsuak.

China : Qixia District, Hushan mine ih hnaṭuan minung 22 cu January 10 ah an hnaṭuannak ih puakkuainak a suak ṭum ah Leivawr le Lungto pawl in an luh/suah nak kua a silh khat thluh ruangah suak thei nawn loin ni 14 sung an tar zo.

Mipakhat cu a thi tiah theih a si ih minung 11 cu January 25 ni ah an runsuak. Leikua sungih tang lai mi 10 cu an umnak an thei fiang hrih lo.

Rescue team ih ṭuanvonei mipakhat cun “hmaisabik ah ṭawnṭai damcaklo kan runsuak hmaisabik. Kan dung zarh lam ihsin ei le in ding kan kuat lut thei ruangah mitamsawn cu damcak hrisel in an um.”

“Asinan, mi 10 cu an umnak cekci kan thei hrih lo. Athuklam 600 metres (2,000 feet) hrawng ah an tang tikah Lei/Lungto virh dan ding a harsa deuh. Rescue team mipum 600 luan in thei tawkin ṭan kan lak ih zarhhnih hrawng ahcun an umnak tiang virh thei kan beisei” a ti.

China ram ah hin cangsual/vanduainak ruangih Leikua sungih hnaṭuan thihhlohtong an um thei zet. Kum 2020 lawngah Leikua thawn pehpar awmi hnaṭuantu minung 573 lenglo an thi zo a si.

Leave a Reply

Your email address will not be published. Required fields are marked *

error: hahahahahaha !!