New Zealand ah 8.1 magnitude thacak Ling a Hnin

New Zealand ram cu March 5 zinglam ah thacak zetmi linghnihnak in voithum rori a tlir i netabik cu 8.1 magnitude thacak a si.

New Zealand thawn km 1,000 hrawng hlatnak Kermadec tikhual ah a hnin mi a si ih linghninnak thawn a neihbik ih um khua pawl ah Tsunami darkhing an tum.

Feet 10 hrawng ih sangmi Tsunami (tisuar) cun French ram lam a pan ruangah Noumea ih cozah ṭuanvonei pawl cun tisuar i khuhban cin ih an ruahmi khua pawl ah inn le Lo tlansan lohli i hmun himnak lam pan lohli dingin tlang an au ih Tsunami darkhing an tum.

Linghnin pek ahcun Linghnihnak thawn a neih cuangmi New Zealand hmun ṭhenkhat ah Tsunami darkhing an tum ih emergency agency pawl khalin Inn le Lo tlansan lohli dingin mipi hnen ah “EVACUATE NOW” tiah phone message an kuat.

Asinan, tlawngkai ninga sunhnu lam ahcun Tsunami ralrinnak darkhing awn an ṭhum ih tipi thawn hlat deuh nak ih um pawl cu mah le inn cio ah kir sal dingin tlang an au sal.

Voithumnak ling a hnin pek ahcun Hawaii le American Samoa ram pawl khalah Tsunami darkhing an tum nan ruah hnakin tilik a deemdeuh ruangah an ṭhulh sal.

New Zealand mi seismologist Bill Fry
cun “Tuṭum cu ahlan linghnih zik ih boruak vekin warning zianghman a um lo. Ka hnaṭuan kum 13 sungah tuṭum hi linghnin le tsunami ralring dingih tlangthannak kan nei nasabik cuang” a ti.

Leitlun huap in 8.0 magnitude lole cuhnak ih cakmi linghninnak hi kumkhat ah voikhat hrawng lawng a suak ṭheu.

Tuṭum linghninnak ah siatsuahnak le thihhlohnak ziangzet a um ti cu tarlang a si lo ih, Leitlun huap in tuṭum linghnihnak hi kum 2018, August thla ihsin thok, a thacak bikmi linghninnak a si tiah CNN in a tarlang.

Leave a Reply

Your email address will not be published. Required fields are marked *