New York Leithuai Tlangleng colhnak hmunpi ah Kahawknak a suak
New York, Sunset Park veng, leithuai tlangleng colhnak hmunpi ah kahawknak a suak ih amalbik minung 13 hriam an tuar tiah theih a si.
Tlangleng par ih buainak kiangkap zuk pawl tiih tarlangmi ahcun thisen thawn khat mi miṭhenkhat zial ih an talbuai lai a lang. Buainak kiangkap ah puak kuai hrih lo mi thil ṭihnung ṭhenkhat an hmu tiah BBC in a tarlang.
Very dramatic video from the incident as the subway arrived at 36th St Sunset Park in Brooklyn. #brooklyn #shooting #nyc pic.twitter.com/5cOdeYPIb1
— Kristoffer Kumm (@Kristofferkumm) April 12, 2022
April 12 zinglam nazi 8 (US tikcucaan) hrawngih thilthleng a si ih, meithal puahtu tiih rinhlehmi mipakhat cu atu ca kan ngan tiang ah an kai thei hrih lo.
An rinhleh mi cu Orange rong hnaṭuannak hnipuan a hruh ih gas khamnak hmaikhuh tla a bun tiah an sim. Cun, amah hi buainak hmun ihsin a tlansuak zo ding an zum.
See footage from inside the train car where at least 13 people were injured and five were shot in an NYC subway shooting in Brooklyn, New York. Sources are reporting a possible smoke device was detonated during the incident. https://t.co/s7flP955tu pic.twitter.com/v9zaycOHcc
— CNN (@CNN) April 12, 2022
Tudinhmun ah thuhla cipciar theih a si hrih lo ih palik pawl khalin buainak hmun hrial dingih thuthan le bawm ṭul pawl bawm lohli baak lo ti thei dang an nei hrih lo.
NY palik ṭuanvonei mipakhat cun “Tlangleng colhnak hmun ihsin meikhu a suak tiah in phone. a hmun kan thleng cu mitamzet meithal hriam tuar in an rak um” tiah BBC hnen ah a sim.
Buainak ruangah Leithuai Tlanglengzin ṭhenkhat an phit sung tiah BBC in a tarlang.
