Naya Rivera ih “If I Die Young” video cun mipi Lung a ti Zuur + VIDEO

Tili sung ih tlakthat, Hollywood star Naya Rivera ih music video cun a zohtu lung a ti zuur ih a thih hnu ah mipum million tamzet in an zoh.

A music video cu social network Twitter, Facebook, Instagram ah mi thawngteel in an thlah ih a zohtu tamsawn ih mitthli a ti tla a si.

A hla cu “If I Die Young” timi a siih country hlasak hminthang The Band Perry te` sakmi a si. A video cu 2013 ih thlah mi a siih TV series larzet “Glee” ah Naya Rivera in a sak.

Naya Rivera cu July 8, Tlawngkai ni 3, zaanlamrii ah a fapa Josey Hollis (kum 4) thawn California, Lake Piru ah cetlaawng to dingin an feh ih cuih hmun ah a hlo mi a si.

A fapa thawn cetLaawng an hlan mi caankhiah a kim hnu, kirsaal ti an nei lo ruangah Laawng neitu pawl in an hawl ih a fapa lawng an hmu. Cuih ni ihsin an hawl thok ih ni 5 rei hnu, Tlawngkai ni 1 zing lawngah a ruang an sar.

Alma Awards a dong ṭum ta zuk.

Hollywood star a si vekin a thih thuhla cu an rel celcel ih, mi ih that mi a si titiangin thuthang a leng lawk nan, a ruang post-mortem an nei mi ah “zu le riit theih sii, ziang hman a tham lo, tidai haak in a thi mi a si” tiah ṭuanvo neitu pawl in an phuang a si.

Leave a Reply

Your email address will not be published. Required fields are marked *