Nauinn sung ta “Hlam” eihmangtu an tam vivo

Nau pai tikih nau inn sungih ummi Hlam hi rannung nauhring tapiang in nau an nei ṭheh veten an ei tlangpi ṭheu.

Pipu daan thlun in Hlam ei ṭheutu phunhnam khal an um ih nau nei ṭhehle veten Siizung operation khaan rori ah a hring in eitu khal an um ti a si.

Atu san thar khalah Hlam eitu an tam ih tulai hrawng ah hin a eitu an pung vivo ti a si. Mihminthang Kim Kardashian, Chrissy Teigen, Alicia Silverstone, Hilary Duff te pawl khalin an mai` Hlam an ei ve.

Miṭhen cun siihlum sungah ret in an ei ih Sii ah an hmang. Sa dang thawn suang tlang ih eitu khal an um. Kioro in eitu khal an um. A hring rori i eitu khal an um.

Hlam einak hin nau nei tikih thipuutmi a tipit olsam tiah zumnak a um. Cuihtlun ah nau nei tikih hliam an tuarmi a ti hiil cak ti a siih vitamin phunphun khal a tel ruangah Hlam ei hi a ṭha tiah mithiam ṭhenkhat in an sim.

28 April 2020 ih nau neitu UK rammi Ketrina (kum 27) cun “Nau 2 kan nei zo. Hmaisa ṭum ah ka Hlam ka ei ih ka thazang a cak ol cung in ka thei. Dam khal ka dam ol zet. Asinan ka Hlam ka ei ruangah maw hitin ka cak hngalh cih ti cu ka fiang ciah lo. Nan, kan dung kum nau ka neih ṭum khalah ka ei sal ih tu hlan vek thotho in ka cakvak ol zet. Ka fa khal a hrisel zet” a ti.

A ninii in mai` Hlam eitu an pung vivo nan kum 2015, Northwestern University ih zirzoinak an nei mi ahcun Hlam ei hin hriselnak hrangah ṭhathnemnak zianghman a suah pi lo tiah hmuhsuahnak thar an nei a si. Cuih tlun ah Hlam kan ei mi hin kan taksa hrangah ṭhatlonak a suah sawn men thei ti`n an hmusuak a si.

Hlam cu numi pawl in nau an pai tikih a suak ṭheumi a si ih naute harhdamnakding hrangah oxygen le vatiman suahtu a si. Nauinn/Naute thisen sungih thil ṭullo hnawmbal hlawntu khal a si.

Leave a Reply

Your email address will not be published. Required fields are marked *