Nauhak pakhat telin Lungphur mawṭaw in Minung 15 rial that

India, Gujarat: Ziinkap ih hnaṭuan pawl itthat lai cu Lungphur mawṭaw in a rial ngah ih minung 15 an thi.

January 19, Tlawngkai nihnih zing ih thil thleng a si ih minung 12 cu a hmun rori ah an thi. Mipariat cu Siizung ah an tlanpi lohli ih mipathum cu nat tuar loin Siizung ah an thi.

“Zingpit ih thli thleng a si. A hmai lam ih ra mi mawṭaw in Fu tluan a phur ih, cumi kha truckpi cun a hnor ngah. Truckpi cu control thei loin ziinkap ah a pial ih ziinpi ih hnaṭuan pawl riahbuuk a vung ciil ngah.”

“A hmun ah minung 12 an thi cih. Mipathum cu Siizung ah an thi. Nunau 8, mipa 6 le naute pakhat an si. An zaten minung 15 an si” tiah Surat district ih palik bawi Varadbhai Patel in a sim.

Hih thuthawn pehpar in India Prime Minister Narendra Modi cun siattongtu a tuarpi thu a tarlang ih vanduainak tongtu innsang zaten bomnak ka pe thluh ding a ti.

India ram ah hin mawṭaw cangsualnak a suak thei zetih an puhmawh bik cu ziin ṭhalo le mawṭaw mawngtu pawl ih thlahdahawknak ruangah a si an ti.

Kum 2019 sung zohkir salin mawṭaw cangsualnak zirzoi salnak an nei mi ah mawṭaw cangsual ruangih thi, nikhat ah minung 410 an um ih nazi zawng in cu nazi pakhat ah minung 17 an thi tiah TIO in a tarlang.

Leave a Reply

Your email address will not be published. Required fields are marked *

error: hahahahahaha !!