Misual in nauhak kum 4 mi an Fir tum, a NU in runsuak + VIDEO

Delhi, Chin mi tamzet umnak kiangte ah mi sual pahnih in nauhak kum 4 mi an kidnap tum ih an buai lai tak cu CCTV in a zuk ngah.

Tlawngkaai nihnih Zaanlam nazi 4 hrawng ah kum 4 mi nauhak nute cu innhmai ah a lek ih a nu nih a kil. Bike thawn phuraw mi pahnih in tidai inding an dil ih a nu nih tidai a laksak hai lai ah inn hmai ih lek rero, nauhak nute cu an cawi ih an tlanpi tum.

A fanu auawn a theih veten a nu cu, innleng ah a va tlan lohli ih misual pahnih, bike thawn an tlan man hlan ah an to mi bike cu a tultluk sak.

An thawmvang ring thawn, misual pakhat cu a thin phang in ke in a tlan ih pakhat sawntu cu bike a ti nung hnu ah a tlan ve.

An thawmvang ringtuk ruangah venghnen pawl in an thei ṭheh ih, inn hmai ih rak ding vetu an inn hnen pakhat cun bike suak thei lo dingin scooter thawn lamziin a rak phit hnu ah bike thawn tlantu misual cu a rak kham ih a tultluk. Nan, misual pa cun meithal thawn a tin ih “indawi le ka lo kaap hai ding” a ti hai ih a tlan hlo.

Venghnen pawl cun Palikzung ah thawmvang an than cih ih palik pawl khal an buainak hmun ah an ra thleng lohli.

Cuhnu ah zingzoinak an nei ih misual pawl ih hmang mi bike number cu a lem a si timi an hmusuak. Nan a engine number in an zingzoi ih bike neitu cu an hawl hmu hnu ah an kaai.

An kaih mi misual Dheeraj (26) cu thu an sut ih paisa ting 1 (₹1 lakh) pekin, mi in an fial sin timi an hmusuak. A fialtu an sut bet tikah an kidnap tum mi nauhak nute ih pu Upender (a pai` nau) a rak si ziar.

Upender khal cu an kaai cih ih a mah cun hnaṭuan a neilo ruangah paisa laklutnak a nei lo ih, a uu hnen in paisa ting 30 hrawng beisei in a tuunu a kidnap a si thu a phuangaw. Misual pakhat sawn cu an hmu hrihlo ih veng kiangkap palikzung pawl ah thu than in an hawl rero a si.

ref:THD,TOI

Leave a Reply

Your email address will not be published. Required fields are marked *