Nathrik Thar ruangah Beijing hmun ṭhenkhat pawl ah Lockdown Ṭansal

Covid – 19 nathrik thawn pehpar mi case thar um nawnlo ruangih Lockdown phelh thlahnih rei hnu ah nathrik kai thar an umsal ruangah Beijing hmun ṭhenkhat pawl ah lockdown ṭansal a si.

China, Wuhan khua ih hmuhthok a simi Caronavirus thawn pehpar in Beijing sungah case thar a um nawnlo ti`n lungawi ten an um rero lai ah nathrik kai tharsal mi 6 an hmusuaksal ih nathrik an hmunak hmun kiangkap pawl ah Lockdown an ṭansal.

Nathrik kai thar pawl cu Xinfadi market ih hnaṭuan 2, Xinfadi market ih thillei 1 le China Meat Research Centre ihsin 2 pawl an siih an zaten 6 an si.

Hih thuthang a suak veten nathrik an hmunak hmun kiangkap ih tualleng tlawng le tlawng 9 pawl cu an phitter lohli ih palik pawl in kilvennak an nei.

Beijing cozah cun nathrik kaithar pawl thawn pehparnak neimi zingzoinak an nei cih ih nathrik karhzailo dingin theitawk suahin an ṭuan rero a si.

ref:NDV

Leave a Reply

Your email address will not be published. Required fields are marked *