Nang na luat zo maw? (Ngantu – Thanei Taithio)

Tuisun cu George Floyd sunglawi zetin Houston, TX ah vuinak service neih asi. Service an thehih aruang innleng a thlen reilo te ah, ” We will free, we will free, we will free” mi pakhat ih au aw ka theih veten ruahnak tampi iruatter.

USA ih tlawng rakai men, rammisinak khal neilo ih fapa Obama midum USA president ah kum 8 sung rori atuan,
– Iran thawn kum 7 lenglo an doawknak ruangih Kuwait ram Iraq ih a raklaklai ih Kuwait bawmtu le mawizet le rangzet ih ral nehtu ralbawi Colin Powell. US Army commander, politician tvp
– Midum nunau lianbik Oprah Winfrey.
– Basketball lehpannak ih larbik Michael Jordan
– Golf thiam maktara Tiger Wood
– Nunau Tennis ah tuisun tiang duaithei lo Serena Williams
– Midum Actor le Actress hminthang milian ticawk lo.
– midum hlasak thiam milian ticawk lo.
– Lehnak phunphun leitlun hminthang Midum ticawklo.
– Thluk doctor le si mitha milian mak le politician Dr. Ben ( Benjamin) Carson.
– TV show hminthang Judges pawl.
– Kan khua minung ting 11 umnak ih Palik Bawi le education superintendent Midum.

Ticawk lo midum cathiam Doctors, Engineers, judges, lawyers, millionners midum le Pathian thusim Pastor hminthang midum ticawk lole midum mak ta rara tamzet laiah, Sal sinak in an luatnak kum 150 reizo nan, “We will free” a timi in ruahnak iruat ter tamzet. Sal ihsin a luat hrihlo si ko lo ding maw a thinlumg cu?

Ruahnak a vungsuak bet mi cu President Obama a voi 2 nak an hrinsal hnu reilo te Feb 2012 ah midum kum 17 pa securitypa in Florida ih a kahthat sirhsan in 2013 ah midum nunau 3 ih Black Live Matter an dinmi iruat ter. US Ziangvek office khalah umlo le tellonak um lo midum mihlawhtling an tamtuk laiah Sal sinak thinlung neilai, lehrul duhnak thinlung, mahsinak lungawi tawklo, mi iksiknak nei pawl le buai hreh lo lawlaw mimal te lawng an si ko lo maw ti iruat ter.

Ruahnak a umbet mi cu kan nih laimi tla Pathian thu kanram a thlennak kum 100 lenglo asi zo nan thlarau sal sungih tang kan tamtuk laipang pei maw? ti ituat ter lala. Nang na luat zo maw?

Ṭhanei Taithio FB cahmai

Leave a Reply

Your email address will not be published. Required fields are marked *