Myanmar ram ah 100 million kum rei zo mi Rannung Cii an Hmu

Chinese Academy of Science mithiam (Paleontologists) pawl in Myanmar ramsung ah kum 100 million rei zo mi rannung cii cu, Thing hnai, Cikthliing ro sungah an hmu.

Tuhlan ih hmuhsuah mi rannung cii reibik/tarbik cu 17 million kum hrawng rei zo mi rannung cii a siih, a tu, Myanmar ram ih hmuhsuah mi rannung cii cu kum 100 million rei zo ih zum mi a si ruangah world record thar pakhat a si ti`n Chinese Academy of Science mithiam zingzoinak hotu Wang He cun a sim.

Rannung cii cu ke tam zet nei ostracod (nu) sungah an hmu ih ‘mithiam pawl in kum 100 million hrawng rei zo mi siding an zum’ tiah tlawngkai nithum ih suah mi Royal Society’s Proceedings journal ah an ngan.

Cuih rannung pawl cu tuhlan kum 500 million hrawng ah kan umnak leilungpi ih rak tlangleng dah mi rannung an siih zingzoinak neitu mithiam pawl cun an hmuh thar mi cu “Myanmarcypris hui” ti`n hmin an pek.

Tuhlan khal ah Dinosaur cii thlah vate mei pakhat cu Myanmar ramsung Thing hnai cikthling ro sungah China University of Geosciences mithiam pawl in an rak hmu dah zo ih, Mithiam pawl cun a dang tamzet khal, a um lai ding an zum.

ref:Aljazeera

Leave a Reply

Your email address will not be published. Required fields are marked *