MMA khawvel ih rinsan zetmi Khabib pa Abdulmanap Nurmagomedov mual liam

“Father of Dagestan MMA” tiih kohmi Abdulmanap Nurmagomedov (kum 57) (UFC Lightweight Champion Khabib ih pa) cu thla 3 sung damlo in a um hnu ah a natnak celh loin mual a liam a si.

April thla ihsin a damlo ih Russia’s Republic of Dagestan siizung ah an enkol thok. Anatdan cu Coronavirus phungpha deuh a si nan hmanrua tlasamnak ruangah le siizung lam remcanlonak ruangah Covid – 19 test loin Pneumonia damlonak enkol vekin an zoh ih a besia ruangah Moscow ralkap siizung ah an ṭhawn.

Ralkap siizung an thlen hnu ah Covid – 19 test nak an nei ih positive a si, ti an hmusuak. Positive a si timi a theihhnu reilo te ah lung (heart attact) lam damlo in a um ih operation nak an nei. Cuih ni ihsin a besia vivo ih 3 July 2020 ah a natnak celh loin a thi a si.

Anih hi UFC Lightweight Champion Khabib hlawhtlingnak dunglam ih domsoltubik a siih Republic of Dagestan ih MMA pabik tikhal ih theihmi a si.

MMA khawvel ih upat hlawhzettu khal a si ih wrestling le Russia self-defense martial art SAMBO thiamzettu a si. Amah hnen ih buanawk, sualawk zirtu khal an tam zetih, tuvekih mualliamnak in MMA khawvel a riahsiater a si.

Leave a Reply

Your email address will not be published. Required fields are marked *