Mizoram ah LingHnin Lala

Tuzaan, India nazi 8 luan hrawng ah Mizoram ah Ling a hnin thu, National Centre for Seismology in offcial in a phuang.

“Champhai khua ihsin km 27 hlat, a thuk lam km 10 hrawng in a hnin mi a siih 4.4 magnitude thacak a si” tiah National Centre for Seismology cun a phuang ih tlawngkai ninga khal ah Champhai kiangkap ah 3.8 magnitude thacak in ling a hnin ti`n a phuang.

Champhai khua cu Kawlram ramri ih um mi a si ruangah Linghnin tlir cu Kawlram hmun ṭhen khat khal in an thei.

July 18 khal ah Champhai kiangkap in 4.2 magnitude thacak, Linghninnak a suak ih, cuih ṭum ah, ni 30 sungah voi 9 Ling a hnin a si ti`n Mizoram cozah in official in a rak phuang dah.

Hitiih, a pehpeh in Ling a hnin ruangah CM Pu Zo Ram Thanga in Geological Survey of India ih mithiam pawl, Mizoram leilung umdan zoh ciang dingin Center pi hnen ah July 10 ah zangfahdilnak ca a kuat a si.

ref:NDTVLIVE