Mizoram ah Hreitlung thawn Cekthatawknak rapthlak a suak

Tuhlanpi ih tualthahnak rapthlak rak thleng dah nak hmun Mizoram, Lungmuat khua ah hreitlung thawn cek thatawknak a suak ih mipakhat a thi.

Lungmuat khua mi Lal Tha Kima le Lal Ram Mawia te unau hnih cu mizaan ihsin ṭongkam an el aw thok. Zaan ah an dai lawk nan November 10 zing ah ṭongkam an el aw ciamco lala.

An ṭongkam sau vivo in a sosang sinsin cu nau ta sawn a sup aw thei lo ih a u Lal Tha Kima itkhun ih zaulai cu hreitlung thawn a cek that.

Mithattu Lal Ram Mawia cu Kawnpui palik in an kai ih a u Lal Tha Kim a ruak cu Siizung lam ah Post mortem nei dingin an kuat zo.

Ziangruangah an buai ih ziang thuhla an el awk timi cu theihcian a si lo ih palik lam khal in thuthang dang an suah bet hrih lo tiah Lawrkhawm ah an ngan a si.

Leave a Reply

Your email address will not be published. Required fields are marked *