MithiRuak pahnih thlengaw ngah pang
Delhi sizung ih mithiruak pahnih cu hmin bangaw ruangah an sung te in thei sual in a si lo sawntu an lak ngah pang.
Kaileng ṭholo ruangih thi Moinuddin cu Delhi ih ummi a siih Kaileng damlonak ruangah Lok Nayak Jaya Prakash Narayan sizung ah an ret ih, a nat tuar loin a zaan ah a thi.
Sizung lam cun a ruak lak dingin a fapa Kalamuddin an biak ih, a pai` ruak cu phum dingin a va lak.
A taksa puam ruangah le a hmai ih thisen malte kaimi ruangah a pai` ruak cu a thei thiam ciah lo. Asinan miruak thawn ret tlangmi ca poimawh sung ta a dik ruangah a pa ruang cu a tlunpi ih an phum.
Kalamuddin cun “Ka pa cu kaileng ṭha lo a siih damlonak dang khal a nei. Nan Covid – 19 si pang ah tiin sizung ah retmi a si. June 5 ah ka pa ruak cu sizung ihsin kan lak ih a thih hlan ih in cah ta vekin kan phum” tiin a sim.
Horrible state of affairs!
Patient died on 2nd June but body still not handed over to family. The hospital has lost the body of the patient.
Dead body mix up continues in Delhi hospitals. #SpeakUpDelhi pic.twitter.com/nJOQyFv4xY
— Syed Asghar (@sa0074in) June 9, 2020
An phum hnu ah Sizung lam ihsin a pa a si lo thu le a pa thawn hmin bang awmi Covid -19 natnak ih thi mi, miruak dang a si tiin an sim thei sal.
An theisalnak khal cu mithi ruak pakhat deuhtu ih upa Aijazuddin in a naupa ruak lak dingin sizung lamah zohciannak a va nei hnu lawngah an thei suak salmi a si.
Miruak phorh salih thlengaw dingin le thil mawi a si lo ruangah kap hnih lungkim nakin a hmasa sawntu an phum nak kiang ah an phum ve a si.
ref:IT,TheHindu
