Mina hrang ih Lung phurtu Helicopter a cangsual – VIDEO

Mina Lung thleng ding mi phurtu helicopter cu a cangsual ih Siizung Helipad ah a tlak.

Kan dung tlawngkai ninga ih thil thleng a siih Los Angeles, USC Keck Hospital ih tuamhlawm rero mi mina hrang ih Lung thleng ding mi phurtu helicopter cu a cangsual ih a ṭum tum nak helipad ah a tlak.

An cangsual lai cu ziinpi ihsin mipakhat in video a rak zuk ih video sung ahcun helicopter cu control thei lo in a heraw ciamco hnu ah a tlak mi si in a lang.

Helicopter cangsual mi thuthang a suak veten L.A meithat pawl in an va pan lohli ih Helicopter thawn an phur mi Lung transplant ding mi cu an phorh suak lohli.

Cuih Lung cu siizung hnaṭuan mipakhat in innsung lam ah luh tum in a feh pi cu a bah pang ih a keng mi Lung cu a pet hluaihli. An sar lohli sal ih siizung ah an luhpi.

Helicopter cu a mawng tu le passenger pahnih an to ih vanṭhatthlak zetin nazetih khawngaw an um lo ih an thlak pang mi Lung khal a siat lo ti`n Los Angeles Fire Department ṭuanvonei mipakhat in a sim. (BBC)

Leave a Reply

Your email address will not be published. Required fields are marked *