Mike Tyson in Thanksgiving Arsa ai ah a ralpa Roy Jones Jr. Lu lem a ei

Boxing khawvel mipi ih hngakhlap zetmi Mike Tyson le Roy Jones Jr. boxing thongawding ni a thleng zik thlang ih a nipi hrang mipi hip tum phah in le a thongpi ding Roy Jones Jr. ngair phah in Mike Tyson cun cangvaihnak a nei.

Mike Tyson cun Thanksgiving with the Tysons timi zuknung tawi a tuah ih Thanksgiving ih an ei dingmi Arsa ai ah cake thawn tuah mi Roy Jones Jr. Lu a hmang.

Video sung ahcun a fale thawn rawl an kil tlang lai ah “minung hna ka duh tuk” a ti ih Cake thawn tuah mi Roy Jones Jr. vorhlam hna a hlep hnu, a ei hnu ah “Evander hna hnakin a thaw sawn” a ti.

Cumi a ṭong duh san cu 1997 kum, boxing an thong lai ah a ralpa Evander Holyfield hna a rak keu sak dah mi bat in a ṭong hrimmi a si.

Evander Holyfield hna a keu lai video hinah zoh….

Evander Holyfield thawn an sualaw ṭum ih thilthleng thu ah Boxing thong thiam pawl cun Mike Tyson mawh an thluk lo. Evander Holyfield in a Lu in a khik hrim rero ruangah hngirṭeu in Mike Tyson in a keu hrim mi a si tiah an sim.

Tubaite, Fox News in thusutnak an nei mi khal ah “That ka duh rungah ka keu hrim mi a si. A Lu thawn i sut hrim rero ih kan sualaw sung caan tamsawn cu lungfimlo, theihnakhlo. lungmit in ka um. Lungfimlo ah sualdanding ka tim tuah mi hmuah ka hngilh phah thluh” a ti.

Tongawsal bang uh la a hna na keu sal kem ti`n an sut mi ah “ziangtik hman ah mi hna ka keu nawn lo ding. Asinan ka keu sal khal si men thei. Ka keu ṭum vek dinhmun thleng dingin a cangvai ahcu ka keu ding” tiah Mike Tyson in a ti.

Roy Jones Jr. thawn zarhteni November 28 ih an sualaw ding mi hi exhibition match cu a si ko nan mipi zoh nuam dingin nasaten kan sualaw ding ti`n Roy Jones Jr. le Mike Tyson in media hnen ah an sim.

Sualawding tikcu cu November 28, zinglam nazi 4 (GTM) ah a siih online ihsin zohduhtu cun pay-per-views man $49.99 cemliam a ṭul a si. (ram ih zir in Pay-Per-Views man a bang aw lo)

Read also: Mike Tyson boxing a thong saal ding, Roy Jones Jr thawn an sualaw ding

Leave a Reply

Your email address will not be published. Required fields are marked *