Mihuatsuak pawl in “HOLLYWOOD” cu “HOLLYBOOB” tiah an rak thleng sak

Los Angeles ramri ih um Hollywood ih Tlangpar cangan cu mihuatsuak pawl in “HOLLYBOOB” tiah an thleng sak.

‘HOLLYWOOD’ ti`h ngan mi cu ‘Y’ zawn ah ‘B’ an ben ih ‘HOLLYBOOB’ tiah a cang. February 1 ih thilthleng a si ih thuthang a suak pek ahcun Hnawi cancer awareness hrangah cangvaihnak an nei mi a si tiah LA palik le LA Times in an tarlang.

Nan, The Daily Mail in thuhla umdan zingzoinak a nei ciang cu palik lam ih thusuahmi thawn a dangaw bepbep.

“Instagram ah Hnawi lang zuk thlah ruangih account phit tuar model/influencer Julia Rose in duhphorhnak tuahin a cangvai mi a si” tiah The Daily Mail in a tarlang.

Model Julia Rose cu santhar model tamsawn vekin Lar nak ding a si cun taklawng ih um khal poi ti lemlo pawl a si. Tuhlan khalah Baseball lehpannak an tuahnak hmun ih a Hnawi mi a hmuh ruangah Major League Baseball stadiums hmuahhmuah ah lut thei nawnlo dingin hremnak an rak pek dah zo a si.

Tuṭum cangvainak a nei mi thuthawn pehpar in “Keimahvek midang tampi an um nan ka account hi an thleidang ce. Ziangruangah keimah bul in phit sak tihi ka thei duh. Playboy magazine instagram thawn kan tlukaw sawhsawh. Zuk an tar ṭheu mi ai in ka zuk pawl hi an sexy lo lam. Cucingin million 5 luan follower ka nei mi instagram account cu in phit sak. Curuangah ziangvekin in hrem a si khalle ka KA in hru thei cuanglo ding ti ka langter duh ruangah a si. Instagram Official pawl ka biak hai nan in sawn duh lo.” tiah Model Julia Rose in Daily Mail hnen ah a sim.

Hivekih cangvaihnak neiṭheutu tamsawn cu Lar duhsin le thehlarawk an duh ruangah a siih Julia Rose khal a kawr ih ngan mi “SHAGMAG” website a thehlar phah duh ruangah tuvekin a cangvaimi a si.

Amah telin “HOLLYWOOD” cangan thlengtu miparuk cu LA palik in an kai lawk ih nunsimnak an nei hnu ah an thlahsal tiah theih a si.

“HOLLYWOOD” timi cangan cu kum 2017, kum thar sun khalah mihuatsuak pakhat in “HOLLYWEED” ti`n a rak thleng dah a si.

Leave a Reply

Your email address will not be published. Required fields are marked *