Midum saal pawl Vuak, Hrem ṭheunak Banṭhuam ṭhiatbal tum

Local thawnginn hmai ih midum pawl hremnak, vuaknak ih hmang mi ft 8 saang banṭhuam cu ṭhiat antum thu Delaware khua, Division of Historical and Cultural Affairs cun a phuang a si.

Fifir, kaihremhmang le a bikin midum pawl banṭhuam ah tawn in an vuak, an hrem ṭheunak banṭhuam a siih khawtlang mipi hmai ih hremawknak Daan ṭhiatbalhnu kum 48 ah siatbal an tummi a si.

Division of Historical and Cultural Affairs Director Tim Slavin cun “cozah ih retṭhat cii thil a si. Cule nonawn pawl in kan thuanthu ziangvek a si timi an theithiam ding.”

Division of Historical and Cultural Affairs vice-chair Dr. Reba Hollingsworth khalin “Zaingvek thinlung kan rak nei timi kan theihhngilh lonak ding ah museum ah ret sehla a ṭha ding”

US ramsung le Leitlun hmun tamzet ih BLM aupinak ruangah hivek ih thuthluknak an nei mi a si.

Delaware cu Wilmington, North Carolina ih um a siih US ramsung khawtlang mipi hmai ih hremawknak Daan bansan netabiktu state a si.

ref:IRpost,MSN

Leave a Reply

Your email address will not be published. Required fields are marked *