Mibur in Christopher Columbus zuklem Ṭhiatbal, Hnihsuahsai nakah Hmang

America ram hmusuaktu tiin zir lai cabu ih telh dah a si mi Christopher Columbus (zuklem) cu George Floy thihnak ruangih a pehzom rero mi duhphorh cangvaihnak neitu pawl in an ṭhiatbal.

Columbus zuklem cu Byrd park, Richmond, Virginia ih um a siih 1927 ah saksuakmi a si.

America ramneitu dik Native Americans lam ah kan ṭang/kan dinpi a si timi langter duhphorhnak nei lai ih ti siat mi a si ih Columbus zuklem cu an dirthluk hnuah an hnuk ih tidai sungah an hlon.

Duhphorhnak hruaitu mi pakhat cun “A thok ihsin kan ṭan a ṭul. Hih leiram a luah hmasabiktu pawl dinpi in kan ṭan a ṭul” tiin mipi hnen ih a sim hnu ah duhphorhnak nei peh vivo a siih Columbus zuklem cu zaan khawthim hnu ah an dir thluk ih tidai sung ah hlon in ṭhiatbal a si.

Mi tamnawn cu Columbus zuklem siat thu ah an lungawinak langter in an siatsuah mi zuklem zuk ah ca ngan in social media ah an thlah.

Tufang ih thilcang/Anung lai mi thuthang a siih a ṭuldaan in pehzom vivo a si ding.

Christopher Columbus cu Italian explorer a siih 1492 ah Atlantic tipi thuanthum ihsin India ram luh thei danding hawl in khual a tlawng ih October 12, 1492 ah America leiram ah a thleng.

A rak um cia Native American pawl um cingin America leiram cu a lak ṭheh ih Spain lal kutsung ah a pe. Hih thu ruangah miṭhenkhat cun Christopher Columbus cu miram long, mi hnam le ci timit tumtu tiin an ko ih hnihsuaksainak men ah tla an hmang a si.

Leave a Reply

Your email address will not be published. Required fields are marked *