Mi theih tuk lo mi John Winston Lennon thuanthu tawi

Leitlun rock band hminthang the Beatles dintu, co-lead vocalist le rhythm guitarist John Winston Lennon dam lai seh la tu ni hi kum 80 a kim ni a si.

John Winston Lennon
9 October 1940 kum, Liverpool ah a piang. Hla sak, hla ngan le guitar tum a peih zet ih kum 16 a si ah the Quarrymen timi band a din thok. Cuih band cu 1960 kum hrawng ah the Beatles timi rock band hminthang ah a rung cang leh.

Paul McCartney te thawn the Beatles band an din tlang hnu 1964 kum hrawng in US ram ah an lar thok. An nih hi UK ramsung Band um mi tamzet lak ah US ram ih va lar hmaisabik Band an si.

An hlawhtling zet nan thu phunphun ruangah John Winston Lennon cun 1969 kum ah the Beatles band a suah san ih a nupi pahnihnak Yoko Ono thawn kopaw in hla an suah tlang.

John Winston Lennon cu The Beatles band le amah atcilhtu, Fort Worth, Texas mi Mark David Chapman in 8 December 1980 kum ah meithal thawn voi 5 a kap ih a dunglam ah cerek 4 in a ngah ruangah a umnak Manhattan apartment tual hmai ah a thi.

UFO ka hmu
Kum 1974, August ah vanranda ih ka um lai ah UFO ka hmu a ti. Cumicu “Nobody Told Me” timi hlasung ah “There`s a UFO over New York and I ain`t too surprised” ti`n a ngan tel.

A mit a caw deuh thawm
A thih hlan hrawng ah a mit a ciangkuang lo ih mitkherh bun lo cun khua a hmu thei lo. Culaifang ah “dyslexic” timi tlasamnak a nei mi khal a thei suak.

A mah that tu ding cu a hmin khen mi hla album a pek
A thih ding zing ah a hlathar suah mi “Double Fantasy” album cu a mai hmin khen in Mark David Chapman a pek. Cu pa cun zaan lam ah a inn kot in a bawh ih a dunglam in a kap that.

Zawhte a duh zet
Zawhte a duh zet ih a nauhak lai ihsin a thih tiang zawhte 16 a zuat. The Beatles band an lar lai fang te “Jesus hnak in The Beatles band an lar/ropi sawn” ti`n a fan pawl ih aupi lai tikcu hrawng ah Jesus tiih koh mi zawhte a rak zuat dah.

Tikulh a lei
Thlamuang zet ih cawlhhahdam nak ding ah Ireland ram ih tikulh pakhat cu $2,200 in a lei. Cuih tikulh cu a thih hnu ah a nupi Yoko in $38,859 in a zuar leh ih paisa a ngah mi hmuahhmuah cu Irish ram ih hngakṭah pawl hrang ah a hlu ṭheh.

Nunau thawi hmang
Thin bahlok zet tiih theih lar mi a si ih nunau kut thlak a hmang. Amah rori khal in interview an tuah nak ah a sim ih nunau par ah ka hngal cuang. Kan nu le ka kiangkap ih um nunau tamzet kut ka thlak hai a ti.

An phumnak theih cian a si lo
Tuni tiang a ruak vutcaam umnak an thei ciang lo. A thi ih a ruak an ur hnu ah a nupi pahnihnak Yoko Ono in a vutcaam a kol ih a ret nak zo hman a theih ter lo. Thenkhat cun New York Central Park Strawberry lak ah a phum an ti.

ref:HollywoodWorld,reddit

Leave a Reply

Your email address will not be published. Required fields are marked *

error: hahahahahaha !!